طريقة تضامن مع القدس بدون مايحظرك الفيسبوك
 |
| طريقة تضامن مع القدس بدون مايحظرك الفيسبوك |
تضامن مع فلسطين بدون مايحظرك الفيسبوك
السلام عليكم ورحمة الله حياكم الله متابعين وزوار مدونة هزام للمعلوميات
لايخفى عليكم ان سياسة الفيسبوك تقوم بحظر اوتجميد اي منشور تضامن مع القدس او يتكلم عن
الاحتلال الصهيوني للفلسطين
اليوم اتيناكم ب الحل
طريقة نشر بوست تضامن مع فلسطين والقدس بدون ما يحظرك الفيسبوك
لو عايز تكتب منشور يخص القضية الفلسطينية وعايز تتجاوز حظر الفيس بوك للمنشور أو خايف على حسابك
شبابنا ربنا يحفظهم عملولك مواقع تقدر تشفر من خلالها المنشور وتكون آمن تماما وخوارزميات الفيسبوك لن تستطيع تمييزه على إنه كلام خاص بالقضية الفلسطينية
الطريقة هي ان حضرتك هتكتب البوست بتاعك بكل الكلام المحظور نشره في اي موقع من الاتنين دول وبعدها تاخد الكلام المشفر اللي الموقع شفره نسخ وتحطه على صفحتك وبكدا تكون ضحكت على الفيسبوك
إزاي تضحك على الالجوريزم بتاع الفيسبوك؟
كيف تخدع الجوريزم تبع الفيسبوك
بص هو الموضوع ده شاغل دماغي بقالي كام يوم اهو، اللي هو ازاي اقدر اكتب عربي مفهوم لأي حد عادي (بدون صعوبة في القراءة) وفي نفس الوقت الجوريزم الفيسبوك ماتقدرش تفهم انا كاتب ايه
واللي وصلتله في النهاية حاجة اتعلمناها في بداية البرمجة خالص، بالنسبالي معلومة عارفها من 2014 وهي الـUnicodes عامةً وازاي الحروف بتتعرض من الأساس!
ببساطة، دلوقتي حرف زي الـ "أ" مثلًا ليه Unicode معين وهو الـ"U+0623"، ولكن رسمًا فـ في شبيه للحرف ده وهو الـ "ٲ" وبـUnicode مختلف تمامًا وهو الـ"U+0672"، وبكدة بالنسبة للكمبيوتر الحرفين دول مالهومش علاقة ببعض تمامًا! ودي اول نقطة
النقطة التانية، ان اللغة العربية مش هي الوحيدة اللي رموزها بالشكل اللي احنا عارفينه، هي لغة من اللغات السامية وفي كذا لغة من نفس العيلة فيها رموز متشابهة جدًا مع الرموز بتاعتنا، وبالتأكيد ليها Unicode مختلفة برضه! ودي النقطة التانية
كدة انا بقيت قادر ارسم لأي حد على الشاشة نفس شكل الحرف العربي اللي احنا عارفينه عادي او حتى شكل بيحاول يحاكيه، وبالنسبة للكمبيوتر مش هيقدر يعرف الحرف اللي انا اقصده ايه، هو مش بيتعامل معاه بنفس الطريقة بتاعتنا احنا دي
فـ بالفعل عملت تطبيق بسيط ممكن تشوفه من هنا
https://abdelrhmansaid.github.io/cheatFacebook
باخد منه الكلام العربي بتاعنا ده واحلله للحروف بتاعته، وعملت ليستة تانية فيها الحرف والشكل اللي شبهه، وأبدأ احول الحروف دي للأشكال التانية بـUnicode تاني ولفي بينا يا ألجوريزم الفيسبوك!
طبعًا في حروف مقدرتش اجيب شكل مشابه ليها، وهنا ماتعتبرش مشكلة، لأن الفيسبوك بيتعامل مع البوست ككلمات مش حروف، فـ لو في حرف واحد بس متغير الكلمة معناها كله هيتغير! وهو المطلوب.
بس كدة، دي تجربة بسيطة حبيت اشاركها معاكم، اللي عاوز يكتب بوست بعد كدة وخايف ياخد حظر من الفيسبوك، ممكن انه يستخدم اللينك اللي فوق ده ويبدأ يكتب فيه الـText اللي هو عاوزه، وياخد الكلام المتشفر Copy ويرفعه ع الفيس زي ما هو عايز!
الكود موجود على الـGithub لو حد حابب يعدل عليه، ممكن تشوفه من هنا
https://github.com/abdelrhmanSaid/cheatFacebook
وبس كدة، ربنا يعين اهلنا في غزة واللي يقدر يساعد بأي حاجة يساعدهم، هم في أمس الحاجة للدعم واحنا في أمس الحاجة للحسنات
معک فلىىىـطین ڦلبًا وڦالبًا ۻد العدو المحٺل.
